Bleikjusalat

Hér er frábært bleikjusalat sem er tilvalið  á veisluborðið eða í saumaklúbbinn

200gr bleikja

2 egg

1/2 laukur

3 sýrðar smágúrkur

1/2 dós sýrður rjómi

1/2 bolli majones

salt og pipar eftir smekk

Litlar tartalettur, snittubrauð eða smjördeigsbollar.

Bleikjan soðin, eggin harðsoðin og söxuð. Laukurinn og smágúrkurnar eru smátt saxað og settar í skál ásamt söxuðum eggjum sýrða rjómanum og majonesinu. Kryddað með salt og pipar eftir smekk. Að lokum er bleikjusalatið skipt í tartalettur, á snittubrauð eða í smjördeigsbolla. þessi uppskrift passar í ca 50 litlar tartalettur. Það er líka sniðugt að not bleikju afganga.

Lækjarbotnableikja í púðursykurslegi

4 - 5 flök af Lækjarbotnableikju (flakið er ca 180gr)

1 msk púðursykur

2 tsk smjör

1tsk hunang

1msk ólífuolia

1 msk dijon sinnep

1msk soyasósa

salt og pipar eftir smekk

Hrærið saman í potti yfir meðal hita púðursykri, smjöri og hunangi þar til það er bráðið. Takið af hitanum og hrærið út í olíu, sinnepi, soyjasósu, salti og pipar. leyfið marineringuni að kólna í ca 5 mínútur. Raðið bleikjuflökunum í eldfast mót berið marineringuna yfir flökin og setjið í 175c heitan ofn í 10 mínútur. Passið upp á að ofelda ekki bleikjuna.

Einfalt og gott

4 flök bleikja (ca 180 gr flök)

sítrónupipar

1 msk hunang

íslenskt sjávarsalt

Bökunarpappír er settur í eldfastmót eða í ofnskúffu, saltinu er sáldrað í botninn, flökunum er raðað á saltið og svo kryddað með sítrónupipar. Hunangið er aðeins hitað og sett yfir flökinn passa að setja ekki of mikið af hunangi. Eldað í 7 - 9 mínútur, fer eftir þykkt flakana í 150 gráðu  heitum ofni.