Það var haldið námskeið í Skinnhúfu 7-8. mars, kennari var Jacey Boggs sem kom alla leið frá Bandaríkjunum til að kenna íslenskum spunakonum  margar gerðir af spuna. Það mættu 16 konur, flestar af svæðinu en það eru um 10 konur sem hittast reglulega og spinna saman á Brúarlundi hér í sveit. Það var unnið frá morgni til kvölds og Maja bauð upp á súpu á laugardagskvöldinu. Jacey stoppaði í um viku á landinu og kíkti á jökulsárlón og skrapp á hestbak meðal annars. Hún er ein sú færasta í heimi í sínu fagi og því var mikill fengur að fá þessa færu konu til landsins og kenna íslenskum spunakonum aðrar spunaaðferðir. Það var mikil ánægja með þetta námskeið og hugur í konum að fá fleiri svona kennara til landsins.